Жаңалықтарды Telegram арнамыздан оқыңыз!Ақтауда кәсіпорындардың бірінде мұнай қалдықтары өртеніп, будақтаған қара түтін тұрғындарды шошытты.
Кәсіпорын индустриалды парк аумағында орналасқан. Өрт жарамсыз өндірістік мұнараны қайта өңдеу кезінде шыққан. Бұрын мұнай сақталған нысандағы химиялық қалдықтар жанған. Абырой болғанда ешкім зардап шеккен жоқ. Оқиға орнына төтенше жағдайлар департаментінің мамандары мен техникалары жұмылдырылып, өрт оқшауланды. Қызыл жалынның нақты себебі анықталып, кінәлілер жауапқа тартылмақ. Ал, экологтар ауа құрамын тексеру үшін, сынамалар алды.
Арман Теңел, Маңғыстау облыстық төтенше жағдайлар департаменті Мемлекеттік өрт бақылау басқармасы бастығының орынбасары:
Алғашқы себебі – кесу жұмыстары кезінде өрт қауіпсіздігі қағидаларын бұзу. Сол себептен ішіндегі қалдықтарға, жанғыш заттарға тиіп, ары қарай өртке ұласқан.
Аягөз Оралбайқызы
