Терроризм: Жалған ақпарат таратқандар 5 жылға сотталуы мүмкін

«Мектепке бомба қойылды» немесе «бір ғимаратта жарылғыш зат бар» деп жалған ақпарат тарататындар 5 жылға дейін бас бостандығынан айырылуы мүмкін немесе 5 мың айлық есептік көрсеткіш көлемінде, яғни 18 млн теңгеден аса айыппұл төлейді. Ішкі істер министрлігі, терроризм актісі туралы жалған ақпарат тарататындарға осындай жаза қарастырылғанын еске салды.

Айта кетейік, былтыр осы факті бойынша 215 қылмыстық іс қозғалған. 43 адам анықталды. Оның 19-ы кәмелетке толмағандар. 7 адам сотталды. Екеуі жасөспірім.

Самал Қабышева