Ақмола облысында ақша бопсалаумен айналысқан қылмыстық топ мүшелері ұсталды

Ақмола облысының Степногорск қаласында бопсалаумен айналысқан қылмыстық топ мүшелері ұсталды. Полицейлердің мәліметінше, олар бірнеше ай қатарынан жергілікті тұрғындарды қорқытып, несие алуға мәжбүрлеген. Тексеріс барысында күдіктілердің алты адамға қоқан-лоқы көрсетіп, 8 миллион теңгесін тартып алғаны анықталды. Барлығы алты күдікті ұсталып, 3-еуі уақытша ұстау изоляторына қамалды. Сотқа дейінгі тергеп-тексеру басталды. 

Ұмсындық Наурызбаева