Арыстанбек Мұхамедиұлы 11 жылға, әйелі жарты жылға сотталды

Бұрынғы министр Арыстанбек Мұхамедиұлына қатысты тағы да сот үкімі шықты. Тергеу барысында аса ірі мөлшерде пара беруге оқталды деген айып тағылып, сот жаза мерзімін 11 жылға ұзартты. Ал әйелі Ғалия Ысқақова парақорлыққа делдалдық жасағаны үшін кінәлі деп танылып, 6 айға бас бостандығынан айырылды. Бұрынғы министрдің адвокаты Мұстақым Төлеев те, аса ірі мөлшерде алаяқтық жасағаны үшін 6 жыл 8 айға сотталды. Үкім заңды күшіне енген жоқ.