Жаңалықтарды Telegram арнамыздан оқыңыз!Солтүстік Қазақстан облысындағы Тайынша қаласында балаларға арналған алғашқы ойын-сауық орталығы қолданысқа берілді. Заман талабына сай жабдықталған нысанды жергілікті кәсіпкер ашып отыр.
Бірнеше жыл бос тұрған ғимаратты жалға алып, жөнге келтіруге кәсіпкер 15 млн теңге жұмсаған. Ғимараттың ауданы 500 шаршы метр, оның 300-і балалар ойнайтын жер. Ал 200 шаршы метрінде дәмхана орналасқан. Ойын-сауық орталығы 1 ден 12 жасқа дейінгі 50 балаға арналған. Қажетті құрал-жабдықтар Алматыдан әкелінген.
Салтанат Нұрахметова, жеке кәсіпкер:
Мұнда осындай балаларға арналған ойын ойнайтын жер болған жоқ. Біз Көкшетау қаласына барып жүрдік бәріміз. Көп қаражат кетеді оған. Сосын идея басталды. Осында ойын алаңын ашсақ, көмегі болады деп адамдарға деген ой келді. Енді балалар ойнап жатыр. Бүгіннен бастап біз жұмыс істей бастадық.
Эльмира Кәленова
