Атырау облысында еріген қар суы тас жолды шайып кетті

Атырау облысы Қызылқоға ауданы Мұқыр ауылында қызыл су тас жолды шайып кетті. Қар мен жаңбыр суы қосылып, сайға толып, елдімекендерге жақындаған. Ауа райының жылынып кетуі салдарынан Мұқыр ауылында еріген қар суы сайға толып, тасып жатыр. Жалпы сай бойында 6 су өткізгіш құбыр салынған. Алайда қатты қарқынмен ағып жатқан су тас жолды шайіп өткен. Қазір үйлер мен қора-жайларды судан аман сақтап қалу мақсатында Мұқыр ауылдық округі әкімі аппараты іске кірісіп, 12 бірлік техника және 23 адам жұмыс істеп жатыр.

Нұрсұлтан Нұрсейіт