Шымбұлаққа барар жол бойындағы тау беткейлері нығайтылады

Алматыда биыл көктемде Шымбұлаққа барар жол бойындағы тау беткейлері нығайтылады. Бұл туралы қала әкімі Ерболат Досаев Медеу ауданының тұрғындарымен кездесуде айтты. Ал былтыр күзде Медеу-Шымбұлақ жолында құлаған тастардың салдарын жою жұмыстары басталған. Қазан айынан бері «Мохнатка» және «Горельник» тау беткейлерінен 80 мың шаршы метрге жуық тас шығарылған. Сондай-ақ, 17,6 мың текше метр үйінді тазартылды. Әкім халық алдында нөсер жүйесін салу және жол төсемін жөндеу жұмыстары биыл күзде аяқталады деп уәде берді.

Әйгерім Ердәулет