Жаңалықтарды Telegram арнамыздан оқыңыз!«9-20-25» жаңа ипотека бағдарламасы 1 наурызда іске қосылады. Бұл туралы Үкіметтің кеңейтілген отырысынан соң арнайы брифингте Премьер-министрдің бірінші орынбасары Роман Скляр айтты.
Бағдарламаға қаржы республикалық бюджеттен бөлінеді, жоба «Отбасы банкімен» бірлесіп жүзеге асады деді. Бірақ бағдарлама талаптарын нақтыламады. Бұған дейін «Отбасы банкі» жыл сайын 150 миллиард теңге көлемінде бюджеттен тыс ресурстар тартуды жоспарлап отырғанын, бұл жылына қосымша 8 мың отбасын баспанамен қамтамасыз ететінін айтты. Бағдарламаға қатысу рәсімінің барынша ашық болуы үшін қарыз алушының келісімімен «Отбасы банкінің» интернет-ресурстарында несие алғандардың тізімдерін жариялау жоспарлануда.
