Өзбекстанда суды үнемдеген фермерлер субсидия алады

Су қорын үнемдеу мен сақтау мәселесі Өзбекстанда да өткір тұр. Суды үнемдеу технологиясын өндіріске енгізген фермерлерге мемлекет субсидия төлейді. Бұл әсіресе, бау бақша, жүзімдік пен жылыжай иелері үшін қолжетімді болмақ.

Жалпы бұл ел суды тұтыну жөнінен әлемде төртінші орында тұр. Әрбір өзбекстандық күніне шамамен 4,7 мың литр су тұтынады. Бұл көрсеткіш жылына 55 млрд текше метрге жуықтайды. «Worldometers» осындай дерек келтіріп отыр. Су ресурстарын пайдаланғаны үшін бюджетке түсетін салықтың 40 пайызы үнемдеу технологиясын қаржыландыруға бағытталады. Тамшылатып суаруды енгізу үшін 5 жылға, 14 пайызбен жеңілдетілген несие беріледі.

Зилола Розиева, «Өзбекбалықшаруашылығы» бірлестігі ақпарат қызметінің жетекшісі:

Өткен жылы 63 мың гектар жасанды су айдындарында балық шаруашылығы құрылды. Жалпы ел бойынша балық өсіретін нысандардың саны 24-ке артып отыр. 5 жаңа жоба іске асырылды, өнім көлемі 1,2 мың тоннаға көбейді.