Олжас Бектенов Премьер-Министр лауазымына тағайындалды

Жаңа ғана белгілі болғандай, депутаттар Олжас Бектеновтің кандидатурасын қолдап, дауыс берді. Енді ол тәуелсіз ел тарихындағы 12-ші премьер министр. Бектенов былтырғы сәуір айынан бері Президент әкімшілігінің басшысы болды. Оған дейін Сыбайлас жемқорлыққа қарсы іс-қимыл агенттігінің төрағасы қызметін атқарған. 1980 жылы Алматы қаласында дүниеге келген. Қазақ мемлекеттік заң академиясының түлегі. Еңбек жолын 2002 жылы Алматы қаласы Әділет басқармасы бөлімінің бас маманы ретінде бастаған.