Семейде ірі сауда орталығы өртенді

Семейдегі ең ірі сауда орынынан өрт шықты. Қаланың орталығында орналасқан нысанда тұтанған қызыл жалынды құтқарушылар сөндіріп жатыр.

Ержан Жақып, тілші:

Қаладағы ең ірі «Ақшың» сауда орталығында өрт түнгі 03:00 шамасында басталған. Ғимараттың бірінші қабатында тұтанған қызыл жалын тез тарағанға ұқсайды. Сауда орнында негізінен киім кешек сатылады. Төтенше жағдай қызметінің мамандары түні бойы өртті сөндіріп жатыр. Тілсіз жаудың неден тұтанғаны әзірге белгісіз. Қазір өрт болған аумаққа жақын бірнеше көшесі адамдардың қауіпсіздік үшін жабылған.

Ержан Жақып