Жаңалықтарды Telegram арнамыздан оқыңыз!«Алтын Орда» базарының бұрынғы директорының орынбасарына қатысты сот үкімі шықты. Алматы облысы, Қарасай аудандық сотының шешімімен Ермек Марқабаев 4 жылға бас бостандығынан айырылды. Сотталушыға аса ірі мөлшерде есірткі заттарын иемдену, сақтау және тасымалдады деген айып тағылған. Күдікті сот отырысына онлайн қатысты.
Еске салайық, кәсіпкер былтыр маусым айында «Алматы-Бішкек» тас жолында ұсталып, қамауға алынған. Полиция оның қалтасынан психотроптық зат табылды деп мәлімдеген.
Мәди Көшікбаев, Қарасай аудандық сотының судьясы:
Ермек Марқабаев кінәлі деп танылып, 4 жылға бас бостандығынан айырылсын. Жазасын қауіптілігі орташа мекемеде өтейтін болады. Сот үкімі шыққанға дейінгі қамауда отырған әр күні бір жарым күн болып есептелсін. Сотталушының тәркіленген көлігі мен ұялы телефоны әйеліне қайтарылсын. Үкіммен келіспеген жағдайда 15 күн ішінде аппеляциялық арыз түсіре алады.
