Жаңалықтарды Telegram арнамыздан оқыңыз!Талдықорған қаласында қазақ күресінен жасөспірімдер арасында Қазақстан Республикасының чемпионаты өтіп жатыр. Байрақты бәсекеде Астана, Алматы, Шымкент қалалары мен 17 облыстан келген 1500-ге жуық жас балуан бабы мен бағын сынауда. Бұл дода жеңімпаздары қазақ күресінен Азия және әлем чемпионаттарына жолдама алады. Жалпы жарыста 2007-2008 және 2009-2010 жылы туған балалар белдесуде. 28 салмақ дәрежесінде 112 медаль жиынтығы мен 2 кубок сарапқа салынады.
Айбек Жұманбаев, бас төреші:
Бұрын Шығыс Қазақстан, Жамбыл, Қызылорда, Шымкент аймақтары мықты болса, қазір дерлік еліміздің барлық аймақтары бірдей мықты өнер көрсетіп жатыр кейінгі кезде. Барлық жақта қазақ күресі жақсы дамып келе жатыр.
Қуаныш Қанатұлы
