Басты Жаңалықтар Әлихан Смайылов Қырғызстан үкіметінің басшысымен кездесті

Әлихан Смайылов Қырғызстан үкіметінің басшысымен кездесті

01.02.2024 19:23

Қазақстан мен Қырғызстан су саласында ынтымақтастықты дамытуға мүдделі. Әлихан Смайылов Қырғызстан Министрлер Кабинетінің төрағасы – Президент Әкімшілігінің басшысы Ақылбек Жапаровпен келіссөз жүргізді.

Кездесу Алматыда Еуразиялық үкіметаралық кеңестің отырысы қарсаңында өтті. Үкімет басшылары қысқа мерзімде қазақ-қырғыз шекарасында жүк көлігі үшін қосымша өткізу бекетін ашу мәселесін пысықтады. Мұнай-газ және сауда-экономикалық ынтымақтастықты нығайту жағын талқылады.

Қос ел арасындағы тауар айналымы былтырғы 11 айда 12%-ға өсіп, 1,3 млрд долларға жеткен. Қазір сауда көлемін 2 млрд долларға жеткізу бағытында жұмыс жүріп жатыр.

Әлихан Смайылов, ҚР Премьер-министрі:

Қырғызстан біз үшін стратегиялық әріптес, бауырлас мемлекет. Елдеріміз арасындағы сауда-экономикалық өзара іс-қимылдың қарқынды дамып келе жатқанын атап өткен жөн. +Қазақстан Үкіметі барлық бағыттар бойынша Қазақстан-Қырғыз стратегиялық әріптестігін әрі қарай қолдауға дайын.

Ақылбек Жапаров, Қырғызстан Министрлер Кабинетінің төрағасы – Президент Әкімшілігінің басшысы:

Қазір Қазақстан мен Қырғызстанның мәмілелері, саяси диалогтары жоғарғы деңгейін растайды. + Біз Қазақстанмен өзара сенімге, түсінісуге негізделген саяси мәмілелерді бұдан әрі де тереңдетуге қызықтармыз.

Бөлісу