Жаңалықтарды Telegram арнамыздан оқыңыз!Шымкентте 13 миллион теңге пара алды деген күдікке ілініп, жазадан құтылып кеткен әкімдікке қарасты басқарманың экс-басшысы бас бостандығынан айырылды. Жолаушылар көлігі және автомобиль жолдары басқармасына жетекшілік еткен ол өткен жылдың мамыр айында жолаушылар тасымалымен айналысатын компанияға мемлекеттік субсидия алуға көмектескені үшін пара алып жатқан жерінде ұсталған еді. Соттың алғашқы сатысында ол ақталғанымен, Шымкент қалалық сотының қылмыстық істер жөніндегі сот алқасы істі қайта қарап, экс-шенеунікті 3,5 жылға бас бостандығынан айырды.
Ғани Қалмаханов
