Байқоңырда гемодиализ орталығы ашылды

Байқоңыр қаласында Қазақстан азаматтары үшін гемодиализ орталығы ашылды. Созылмалы бүйрек ауруына шалдыққан науқастар енді алысқа бармай-ақ жақын жерден ем-дом алады.

Жалпы ғарышкерлер қалашығында 10 адам осындай сырқатпен тіркелген. Олар осыған дейін ем алу үшін аптасына үш рет 100 шақырым қашықтағы Қазалы ауданына қатынап әбігерге түсетін. Жаңа орталықтың ашылуымен бүйрек ауруы бар науқастар жол азабынан құтылды. Емдеу орны күніне 10 адамды қабылдай алады. Сондай-ақ Байқоңырдың іргесіндегі Ақай, Төретам елдімекендерінің тұрғындары да ем алуына мүмкіндік бар.

Эльмира Рысбаева, ем алушы:

Бүгін алғашқы күніміз осы Байқоңырда диализ алып жатырмыз. Өте қуаныштымыз. Қазалыға қатынап жүрдік енді қаншама жыл бойы. Екі ортада жол шаршатады.

Әділбек Серікұлы