«Бәйтерек» холдингі 4 мың жұмыс орнын ашпақ

Мемлекет басшысы «Бәйтерек» холдингінің басқарма төрағасы Нұрлан Байбазаровты қабылдады. Кездесуде компанияның 2024 жылға арналған бастамалары айтылды.

Биыл ұлттық басқарушы холдинг агроөнеркәсіп кешені жобаларына 370 миллиард теңге инвестиция құймақ. 4 мыңнан астам жаңа жұмыс орнын ашу, туристік саланы қаржыландыру, қалдықтарды қайта өңдейтін және сұрыптайтын зауыттар салу және 9-20-25 тұрғын үй бағдарламасын іске қосу сияқты шаралар жоспарланған.

Нұрлан Байбазаров, «Бәйтерек» ұлттық басқарушы холдингі» АҚ басқарма төрағасы:

Сол бағдарламаларды жүзеге асырудың есебінен біз осы жылы холдингтің экономикаға деген үлесін 2 есе арттыруды жоспарлап отырмыз. Холдингтің активтері 12 пайызға өсті. Инвестициялық және кредиттік портфелі 10 пайызға өсті. Таза пайдасы 408 млрд теңгені құрады.