Елімізде түлектердің 77 пайызы тұрақты жұмыспен қамтылған

ЖОО түлектері диплом алған соң орташа есеппен 79 күнде жұмыс табады. Бұл туралы Ғылым және жоғары білім министрлігі сапаны қамтамасыз ету комитетінің төрағасы Әділет Тойбаев айтты. Былтырғы жылы оқу бітірген түлектердің 77 пайызы тұрақты жұмыспен қамтылған. Комитет басшысы университет оқытушыларының жалақысы кейінгі үш жылда қанша теңгеге өскенін де атап өтті. Ақпаратқа сәйкес, 2021 жылы оқытушылардың жалақысы орташа есеппен 222 549 теңге болса, 2022 жылы – 369 357 теңге, ал 2023 жылы – 426 472 теңгеге жетті. Бұл шаралар оқытушылардың әлеуметтік мәртебесін көтеруге бағытталып отыр дейді.

Аида Ахметбек