Қызылорда облысында славян балалары қазақ тілін меңгеруде

Қызылорда облысында славян балалары қазақ тілін қосымша оқып, меңгеріп жүр. Оған ассамблея шаңырағындағы «Русская община» қоғамдық бірлестігі ұйытқы болуда.

Сондай-ақ, этоноұйым Байқоңыр қаласы әкімшілігі мен Қорқыт ата университетін байланыстырып, ғарышкерлер шаһарында жас мамандарды жұмысқа орналастыруға септігін тигізбек. Өңірдегі «Русская община» қоғамдық бірлестігінің төрайымы Наталья Мишукова ассамблея шаңырағындағы өзге де этно өкілдер тығыз қарым қатынаста екенін айтады. Биыл корей халқының жаңа жылын, татар ұлтының сабан тойы мен еліміз үшін айшықты мереке Наурызды барша ұлт пен ұлыс өкілдері бірігіп тойлауды жоспарлап отыр.

Наталья Мишукова, «Русская община» ҚБ төрайымы:

Мен одан бөлек Аналар кеңесінің Ассамблея жанындағы мүшесі боламын. Қазіргі таңда бұл бағытта да бірталай іс-шараларды ұйымдастырып жатырмыз. Мысалы, отбасы төмен жағдайдағы біздің жерлестерімізге көмегімізді көрсетуге дайын екенімізді айтқымыз келеді.

Әділбек Серікұлы