Шымкентте темір жол желісінде жол қауіпсіздігі күшейтілді

Шымкент магистральді желі бөлімшесіне қарасты темір жол желісінде жол қауіпсіздігі күшейтілді. Бұған жұмысшылардың әлеуметтік жағдайын жақсарту және техникалық құрал-жабдықты жаңарту нәтижесінде қол жеткізілген. Рельсті бекіту ісі қазір автоматты құралдың көмегімен атқарылады. Бұрын білектің күшімен жасалатын. Шалғай учаскелерде жұмыс істейтіндер үшін 3 модульдік үй мен 35 жылыну бекеті орнатылды. Желілік қызметкерлер жұмыс орнына арнайы техникамен жеткізіледі. Ал былтыр жұмысшылардың айлығы 20 пайызға өсті. Қазір бөлімшеде 2 мыңнан астам адам жұмыс істейді. «Олардың күшімен Оңтүстік аймақтағы темір жол желісінің 40 шақырым жері күрделі жөндеуден өтті. 60-тан астам бағыттың бұрамасы жаңартылды», - дейді сала мамандары.

Тәшенбай Әліқұлов, жол монтері:

Жаңа құралдар, жаңа техникалар бәрі бар. Жеткілікті. Уақтылы айлығымызды алып жатырмыз. Киімдерімізді де береді. Премиямызды жыл сайын көтеріп жатыр.

Жомарт Мырзабеков, Шымкент магистральді желі бөлімшесі директорының орынбасары:

Қол жұмысын жеңілдету мақсатында 70-тен астам дана шағын механикалық құралдар сатып алдық. Және де 170-тен астам құралдар жөндеу жұмыстарынан өткізілді.

Ғани Қалмаханов