Ақтөбеде «мектепке шабуыл жасаймыз» деп жалған ақпарат таратқан күдікті ұсталды

«Мектептерге барып, ойран саламыз, балаларды атамыз», деп ақтөбеліктерді үрейлендірген күдікті табылды. Ол жақын шет елдердің бірінің 18 жастағы тұрғыны болып шықты. Бұл туралы полиция департаменті хабарлады. Тергеу құпиялығына байланысты өзге ақпараттар жария етілмейді. Кеше белгісіз біреу әлеуметтік желі арқылы жалған ақпар таратып, жұртшылықты дүрліктірген еді. Ата-аналар арасында балаларын мектепке жібермейміз дегендер де болды. Енді білім басқармасы өкілдері мен полицейлер алаңдауға еш негіз жоқ деп отыр.

Жақсыбек Кемал