Ақтөбеде отбасының шырқын жиі бұзатын 3 мың ер адам есепте тұр

Ақтөбеде отбасының шырқын жиі бұзатын 3 мың ер адам есепте тұр. Күн сайын полицияға тұрмыстық құқық бұзушылық жасағандарға қатысты 10-15 қоңырау түседі.

Әйелі мен бала-шағасына сес көрсететіндердің көбі ішкілікке әуес, әрі жұмыссыз. Сондықтан мәселені шешудің бір жолы – еңбекке қабілетті ер адамдарды жұмысқа орналастыру дейді мамандар. Комиссия мүшелері «102» нөміріне жиі қоңырау шалатын отбасын тіркеп, мәліметтерді Мансап орталығына жібереді. Орталық оларға лайықты жұмыс іздейді. Жақында екі ер адамға жұмыс табылған.

Баян Дүйсенова, мансап орталығының сектор меңгерушісі:

Мансап орталығында есепте тұрғандар саны 5945 адам. Оның ішінде белсенді шараларға бағытталғаны 2878 адам. Тіркелген жұмыссыздар арасында жұмысынан айрылғаны үшін әлеуметтік төлемдерді алушылар саны 2879 адамды құрады.

Жақсыбек Кемал