Брюссельде халықаралық автокөрме ашылды

Брюссельде халықаралық автокөрме ашылды. Автошоуға көлік шығарумен айналысатын 100-ге жуық концерн қатысып жатыр. Компаниялар көпшілік назарына 400-ден астам автомобиль, мотоцикл мен жүк көлігін ұсынып отыр. Жайдақ, жол талғамайтын, спорттық үлгідегіден бөлек, электрлі, гибридті көліктердің де түр-түрі жұрт назарында. Биылғы көрмеге тұңғыш рет британдық MG және америкалық Fisker компанияларының автомобильдері қойылды. Ұйымдастырушылар, 5 күнге созылатын автошоуды 100 мыңнан астам адам тамашалайды деп отыр.

Жан Ванхавер, MG компаниясының Бельгиядағы өкілі:

Біз көрмеге су жаңа MG Cyberster көлігін әкелдік. Экокар сағатына 100 шақырым жүруге қауқарлы. Қуаты 536 аттың күшіне тең. Толық қуатталған батареясы 576 шақырым жол жүруге жетеді.

Арно Райхэль, көрермен:

Мен Германиядан Брюссельдің автошоуын көруге арнайы келдім. Көрменің жаңа форматы ұнады. Енді бірінен бірі өтетін көліктің ішінен біреуін таңдауым керек.

Нұрсұлу Қасым