Өскеменде 100-ден аса адам туристік компанияға алданып қалды

Өскеменде 100-ден аса адам туристік компанияға алданып қалды. Алдын ала болжам бойынш тур агенттік тұрғындардан 100 миллион теңге жинап алған. Шетелге саяхттағысы келгендердің ең азы 500 жүз мың, ең көбі 5 миллион теңгеден берген. Көбі жолдаманы сатып алса да, шетелге шыға алмаған. Алданғандардың арасында балалардың футбол командасы да бар.

 Юлия Булина, қала тұрғыны:

Біз Түркияға жалпы 64 адам ұшуымыз керек еді. Оның 28-і футбол командасының мүшелері. Туристік компанияның директоры – Иринаға ұшақтың екі жақ билет құны үшін 9,5 миллион теңге санап бердік. Бірақ сол беті сапарға шыға алмадық. Енді ақша да жоқ.

 Татьяна Карпова, Облыстық полиция департаментінің баспасөз хатшысы:

Жалпы туристік агенттік тұрғындардан 100 миллонға жуық теңге жинап алған. Алданған адамдар арызында көрсеткен компания директоры тергеу абақтысына қамалды. Оған қатысты қылмыстық Кодекстің алаяқтық бабы бойынша іс қозғалды. Қазір сотқа дейінгі тергеу жүріп жатыр. 

Олжас Керейхан