Жаңалықтарды Telegram арнамыздан оқыңыз!Ақтөбе облысында қаржы пирамидасын құрып, көлік сатумен айналысқан қылмыстық топ мүшелері сотталды. Бұл фактіні Қаржылық мониторинг агенттігінің аумақтық департаменті тергеген еді.
2022 жылдың наурыз айында Дәулетов, Жанасаев деген тұрғындар жетекшілік еткен топ «Авто Селлер» аталатын серіктестік құрып, автокөліктерді мемлекеттік тіркеу номері бар-жоғына қарамастан жоғары бағамен сатып алумен айналысқан. Көлік иелеріне екі-үш ай ішінде бөліп төлей отырып, нотариалды куәләндірілмеген сатып алу шарттарын жасаған. Ал сатып алушыларға 20 пайыз қымбат бағаға ұсынған. Сот үкімімен кінәлілер ұзақ мерзімге бас бостандығынан айрылды.Үкім заңды күшіне енген жоқ.
Әлібек Әбділов, ҚР ҚМА ресми өкілі:
Бұл автомобильдер көлікті сатуды жүзеге асыратын жаңа тұлғаларға ақшалай қаражатты одан әрі төлеу мақсатында үшінші тұлғаларға төмендетілген бағамен сатылды.Сатып алу-сату шарттарына сәйкес залал сомасы 404 млн теңгені құрады.Сот Д.И.Дәулетовты 9 жылға, А.Т.Жанасаевты 8 жылға, К.А. Құдасовты 7 жылға және О.Б. Жайлаубайды 7 жылға бас бостандығынан айыруға үкім шығарды.
Жақсыбек Кемал
