Жаңалықтарды Telegram арнамыздан оқыңыз!Қарағанды облысының Теміртау қаласы мен бірнеше ауылында жергілікті ауқымдағы табиғи төтенше жағдай жарияланады. Қазір сол өңірдегі тілшіміз Руслан Нұрланұлы бізбен байланысқа шығады. Руслан, жағдайды баяндап өтсеңіз?
Руслан Нұрланұлы, тілші:
11 қаңтарда Теміртауда қатты боран мен желдің салдарынан кейбір тұрғындар байланыссыз қалды. Көптеген қала тұрғындары үйлерінде жарық, судан айырылды. Қаладағы нөмірі 16-шы мектептің шатыры ұшып кетті. Оны жөндеуге қаражат қажет. Дәл осы мектепке байланысты «Қазақстан Республикасындағы жергілікті мемлекеттік басқару және өзін-өзі басқару туралы» Заңның 33-бабы 1-тармағына сәйкес жергілікті ауқымдағы табиғи сипаттағы төтенше жағдай жарияланады. Жалпы, қаладағы электр желілері мен құбырлардың көбі ескірген. Күшті дауыл, аяз көтерілген кездері жиі ақау шығып, қала тұрғындарының берекесін алады. Сондай-ақ өңірде Шет ауданына қарасты Ақсу-Аюлы ауылдық округі және Ақшатау кентінің аумағында төтенше жағдай жарияланады. Бұл елдімекендерде де білім нысындарының шатыры зақымданған.
Руслан Нұрланұлы
