Жаңалықтарды Telegram арнамыздан оқыңыз!Елімізде автомобиль көлігі арқылы халықаралық бағытта жүк тасымалдаудың жаңа тәртібі таныстырылды. Жүйе жарты жылдан кейін іске қосылады деп жоспарланған. Жоба авторларының сөзінше, Қазақстан осы салада әлемнің 42 еліне жүк тасымалдайды. Осы елдермен үкіметаралық келісім бар. Қазір отандық тасымалдаушыларға шетелге шығу үшін рұқсат қағазы автоматтандырылған жүйемен беріледі. Алайда қолданыстағы жүйенің олқы тұстары көп. Мысалы жүргізушілерге жыл соңына дейін 200 мыңдай бланкінің біраз бөлігі беріліп қояды. Қалғаны нарықтағы еркін тасымалдаушыларға таратылып, жылдың ортасына дейін таусылып қалады. Соның салдарынан бланкінің 40% қолданылмай қалады дейді мамандар. Сондай-ақ, жаңа тәртіп Қазақстанда шағын және орта бизнесті дамытуды шектейтін, яғни көлеңкелі нарықта бланкілердің тапшылығын туғызатын мәселелерге тосқауыл қоймақ. Және оларды қайта сатуға мүмкіндік беремейді дейді жобаны таныстырған көлік комитетінің өкілдері.
Селим Қуанышұлы, ҚР көлік министрлігі көлік комитеті төрағасының орынбасары:
Бұл жүйе өте қолайлы деп айта аламын сенімділікпен. Өйткені мұны пилоттық түрде Қытай мен Қазақстан арасында тасымалдауды енгіздік. Соның салдарынан сәуірден желтоқсан айына дейін 8 айда 50 мың тасымал 113 мың тасымалдауға ұлғайды.
Қуан Нұрақын
