Маңғыстауда қылмыстық топ ұсталды

Маңғыстауда қазақстандықтарды 112 млн теңгеге алдап соққан қылмыстық топ әшкереленді. Күдіктілер мұнай компанияларының біріне жұмысқа орналастыру, сондай-ақ автокөліктер мен жылжымайтын мүлікті алып-сату сылтауымен тұрғындардан қаражат алған. Осы іске қатысты республиканың әр өңірінен 20 адам арызданды. Ұсталғандардың тұрғылықты жері мен жұмыс орны бойынша тінту жүргізілген. Заттай дәлелдемелер тәркіленді. Сондықтан топтың 3 мүшесі қамауға алынған. Олар ұйымдасқан қылмыстық топ құрып, оны басқарды және оған қатысты деп айыпталып отыр. Тергеу амалдары жалғасуда.

Аягөз Оралбайқызы