Шымкентте субсидияның 25 пайызын артық алған

Шымкент қаласында жолаушылар тасымалымен айналысатын компанияларға субсидия ретінде 2 миллиард теңгедей қаржы негізссіз төленген. Қалалық жолаушылар көлігі және автомобиль жолдары басқармасы осы мәселені тексеріп, анықтау үшін экономикалық тергеу басқармасына өтініш жолдады. Басқарма басшысының айтуынша, субсидия қаржысы 25 пайызға артық берілген. Мұны еліміздің көлік министрлігі де растады. Бұл іске мегаполистегі бірнеше көлік компаниясы қатысты болып отыр. Оның ішінде үшеуі автобустарды әлеуметтік кәсіпкерлік корпорациясы арқылы лизингке алған. Ал өзгесі қосымша құн салығын төлеу кезінде заң талаптарын дұрыс орындамаған.

Ролан Ибрагимов, қалалық жолаушылар көлігі және автомобиль жолдары басқармасының басшысы:

Артық төленген қаражылар бойынша тиісті хаттар жолданды. Оның мерзімі өтті жауап беретін Жауап келмеуіне байланысты біз оны сот арқылы өндіруге жұмыс жасап жатырмыз. Бұл жерде перевозчиктер екінші лизингті, екінші нарық деп түсінген, сөйтіп 25 пайызға переоценка жасаған ғой.

Ғани Қалмаханов