Қасым-Жомарт Тоқаев: Мен азаматтарымыздың қарызға белшеден батқанына қатты алаңдаймын

Президент сұхбатында несие мәселесіне де назар аударды. «Мен азаматтарымыздың қарызға белшеден батқанына қатты алаңдаймын», - деді. Осы ретте несие нарығын реттеу саясаты қалай өзгеретінін айтты. Мемлекет басшысы кейінгі жылдары банктер мен микрокредит ұйымдарына қойылатын тұтыну несиесі капиталының көлеміне қатысты талаптар бес есе күшейтілгенін де атап өтті.

Қасым-Жомарт Тоқаев, Қазақстан Республикасының Президенті:

«Борышкерлер құқығын қорғау үшін несие беру туралы заңнамаға енгізілетін түзетулер әзірленді. Бұл өзгерістер банктерге, микрокредит ұйымдарына және коллектор агенттіктеріне талапты одан да күшейте түседі. Несиелерді коллектор компанияларына сатуды шектеу ұсынылады. Коллектор компания-лары қарызды өзіне алған соң мәселені реттеп көруге міндетті болады. Банк омбудсменінің өкілеттігі де кеңейтіледі. Қазір бұл құжатты Мәжіліс депутаттары қарап жатыр. Мен бұл бастманы қолдауға дайынмын».

Аида Ахметбек