Жаңалықтарды Telegram арнамыздан оқыңыз!Маңғыстау облысы болашақта баламалы энергетиканы дамытуды нығайтуға мүмкіндік беретін әлемдегі ірі «жасыл» сутегін өндірушілердің біріне айналмақ. Бұл туралы Орталық коммуникациялар қызметінде айтылды. Кейінгі бес жылда өңірге 3 триллион теңгеден астам инвестиция тартылған.
Биыл 11 айда негізгі капиталға 976 миллиард теңге салынды. Бұл өткен жылмен салыстырғанда 44%-ға артық. Жыл басынан бері өңірдегі экономиканың түрлі салаларында 20 миллиард теңгеден асатын 15 инвестициялық жоба іске қосылды. Ең маңызды жобаларының бірі – «жасыл» сутегін өндіретін зауыт құрылысы. Жобаны неміс-швед компаниясы іске асырып жатыр.
