Еуропалық одақ Украина мен Молдованың одаққа кіруіне қатысты келіссөздерді бастайды

Еуропалық Одақ Украина мен Молдованың Одаққа мүшелікке қабылдануына байланысты келіссөздерді бастауға дайын. Брюссельде өтіп жатқан саммитте Одақтың 26 мемлекетінің көшбасшылары осыған уағдаласты. Босния мен Герцеговина үдеден шықса көктемде олармен де келіссөз жүргізбек. Сондай-ақ, Еуропалық кеңес Грузияға кандидат статусын берді. Саммиттің алғашқы күнінде Украинаға көмек мәселесі талқыланды. ЕуроОдақ 2024-2027 жж аралығында Украинаға 50 млрд еуро қаржылай қолдау көрсетуді көздеп отыр.

Шарль Мишель, Еуропалық кеңестің төрағасы:

Бұл-тарихи сәт, өте мықты саяси шешім. Еуропалық Одақтың сенімділігі мен күшін көрсететін шешім Украина халқы үшін, ЕуроОдаққа сенім үшін маңызды деген сенімдеміз. Біз Украинаны қолдап, қаржылай көмек көрсетуді жалғастырамыз.

Нұрсұлу Қасым