Жаңалықтарды Telegram арнамыздан оқыңыз!Жапонияда министрлер кабинетінің бас хатшысы мен 4 бірдей министр қызметінен кетті. Бұған үкіметте туындаған ақша жинау дауы түрткі болды. Отставкаға кеткен шенеуніктердің барлығы Либералды-демократиялық партияның экс-премьері, марқұм Синдзо Абэ басқарған фракциясына қарасты. Олар АҚЫЛЫ шаралар мен кештерге билетті нормадан асырып сатқан фракция мүшелеріне ақша төлеген. Мұндай төлемдерді фракцияға мүше 100 адамның барлығы алған, алайда мұны қаржылық есеп берулерде көрсетпеген. Мысалы, министрлер кабинетінің бас хатшысы соңғы 5 жылда 69 млн доллардан астам кірісін жарияламаған. Бұл іске кінәлі деп табылғандарды айыппұл төлеу, тіптен түрмеге қамау жазасы күтіп тұр.
Арай Төлегенқызы
