Биыл 540 мың отбасыға мемлекеттен жәрдемақы төленді – министрлік

540 мың көпбалалы отбасы биыл мемлекеттен жәрдемақы алды. Еңбек және халықты әлеуметтік қорғау министрлігінің дерегінше, оларға 376 млрд теңгеден астам төлем аударылған. Жәрдемақы кәмелетке толмаған 4 немесе одан көп баласы бар отбасыларға тағайындалды. Атап айтқанда, 4 бала үшін 55 мың 304 теңге, 5 балаға 69 мың 138, 6 балаға 82 мың 973 теңге көлемінде төлем бекітілді. Ал 7 бала үшін 96 мың 807, 8 немесе одан да көп баласы бар отбасыларға әр бала үшін 13 800 теңге төленді.