Маңғыстауда қызылшаның асқынған түрі көбейді

Маңғыстауда қызылша ауруының көрсеткіші төмендеп келеді. Алайда, жұқпалы індеттің асқынған түрі көбейген.

Осы кезге дейін облыстық балалар ауруханасының инфекциялық бөлімшесіне күніне 60 - 70 бала жеткізілетін. Қазір науқастар саны азайған. 31 бала дәрігерлердің бақылауында. Олар 1жасқа дейінгі және жаңа туған нәрестелер. Мамандардың айтуынша, жұқпалы ауруға шалдыққандардың 95 пайызы вакцина алмаған. Қызылшаға қарсы егілгендер де індетті жұқтырған. Бірақ олар жеңіл түрімен ауырып жатыр. Аймақта эпидемия басталғалы 9 мыңға жуық адам егілді.

Жансая Сәрсенбаева, дәргер – инфекционист:

Қосымша вакцинациялау жүргізіліп жатқан әсерінен, осы қызылша ауруы қабылдау бөліміне жүгіну кішкене азайды. Бірақ дегенмен әлі де келеді. Көбінесе қызылша ауруының пневмониямен асқынған түрі, отит ортаңғы құлақтың асқынуымен бізге шағымданып келіп жатқандар әлі де бар.

Аягөз Оралбайқызы