Жаңалықтарды Telegram арнамыздан оқыңыз!Маңғыстау облысының Жаңаөзен қаласында заңсыз ойын бизнесімен айналысқандар ұсталды. Бұл туралы Қаржылық мониторинг агенттігі мәлім етті. Ұйымдасқан қылмыстық топ мүшелері ойын ойнауға арналған компьютерлерді жүйелі түрде жаңартып, ұдайы ойынхананың қауіпсіздігін қамтамасыз етіп отырған. Көлеңкелі бизнестен түскен пайданы жинап, басқа да ұйымдастыру-басқару қызметтерін атқарған. Тінту кезінде ойын ойнауға арналған құрылғылар, чек принтерлері мен сканерлері, теледидарлар мен телефондар және қолма-қол ақша тәркіленді. Заңсыз ойынхананың кіріс көлемі 77 млн теңгеден асқан. Тергеу амалдары әлі де жалғасып жатыр.
Аягөз Оралбайқызы
