Келер жылы коммуналдық қызмет құны 30 пайызға дейін қымбаттайды

Келесі жылы коммуналдық қызмет құны 30 пайызға дейін қымбаттайды. Бұл туралы Ұлттық экономика министрі Әлібек Қуантыров мәлімдеді. Министрдің сөзінше, бағаны өсірудің есебінен ескірген инфрақұрылым желілерін жаңартпақ. Биыл тариф 20 пайызға өсті. Бағаның күрт көтерілуіне жол бермеу үшін мемлекет шығынның біраз бөлігін жапқан. Тозығы жеткен нысандарды жөндеуге 260 млрд теңге жұмсалса, соның 100 млрды бюджеттен бөлінді. Министр тарифті көтеру кезінде қоғамның пікірі ескеріледі деді.

Айя Мүтәлі