12 облыста көлік қозғалысына шектеу енгізілді

Сондай-ақ суыққа байланысты елордада 12 қаламаңы маршруты тоқтады. Ол – 300, 305, 308, 310 секілді Қабанбай батыр, Қосшы, Қоянды, Талапкер ауылдарына қатынайтын автобустар. Бұдан бөлек, аяз бен боранға байланысты еліміздің 12 облысындағы республикалық маңызы бар жолдардың 61 учаскесінде көлік қозғалысына шектеу енгізілді. Ол «Алматы-Шелек-Қорғас», «Үшарал-Достық», «Алматы-Өскемен», «Ақтау-Құрық», «Қызылорда-Павлодар» бағыттары. Қазір бұл жолдарға 500-ден астам техника мен 1200-ден астам қызметкер жұмылдырылған. Мамандар аса қажеттілік болмаса, алыс жолға шықпауға кеңес береді.

Досжан Маратұлы