АҚШ-та құйыннан 6 адам қаза тапты

АҚШ-тың Теннеси штатында құйын мен күшті желден 6 адам қаза тапқан. Осыған байланысты Кларксвилл қаласында төтенше жағдай режимі жарияланды. Ондаған адам жараланып, ауруханаға түсті. 45 мың тұрғын электр жарығынсыз қалған. Ғимараттардың көбі қирады. Торнадо үйлердің шатырларын ұшырып, жүк көліктерін аударған. Баспанасыз қалған тұрғындар уақытша мектептерге жайғастырылды. Құйын жайпаған аудандарда қалпына келтіру жұмыстары жүріп жатыр.

Арай Төлегенқызы