Жаңалықтарды Telegram арнамыздан оқыңыз!Ақмола облысындағы жатақханалар мен хостелдерде 100-ден астам өрт қауіпсіздігі талабын бұзу дерегі анықталды. Көбінде электр сымдары тозып тұр. Газ, жылыту қондырғыларын орнату кезінде де кемшіліктер жіберілген. Ал кейбір ғимараттарда авариялық шығу есіктері жабық. Дәліздері де тар. Өңірде «Жатақхана» акциясы аясында 120 адамнан тұратын мобильді топ жасақталды. Олар 20-ға жуық нысанды аралап, түсіндіру жұмыстарын жүргізді. Жалпы жылыту маусымы басталғалы өңірде 89 өрт оқиғасы тіркеліп, 7 адам қаза тапты.
Ұмсындық Наурызбаева
