Астанада тұрғын үйдің ауласында жаяу жүргіншіні қағып кетті

Елордада мас күйінде көлік жүргізген бойжеткен, тұрғын үйдің ауласында 42 жастағы жаяу жүргіншіні қағып кетті. Онымен қоймай тұрақта тұрған үш көлікті соққан. Темір тұлпарды тізгіндеген 20 жастағы жүргізуші уақытша ұстау абақтысына қамалды. Қазір қылмыстық іс негізінде тиісті сараптамалар тағайындалды. Егер сот кінәлі деп тапса, бойжеткен бес жылға дейінгі мерзімге бас бостандығынан айырылады. Оқиға орнында жан тапсырған тұрғынның артында 4 баласы қалды.

Жандос Темірғали