Жаңалықтарды Telegram арнамыздан оқыңыз!Енді оқушылар білім ордаларында ет, құрт, жент, көжемен тамақтанады. Мектеп асханасының ас мәзіріне 50 ұлттық тағам енеді. Бұл туралы Оқу-ағарту бірінші вице-министрі мәлімдеді. Наталья Жұмаділдаеваның сөзінше, бұл өзгеріс «Ұлттық мектеп асханасы» жобасы арқылы жүзеге асады. Пилоттық жоба елорданың 6 мектебінде тәжірибе жүзінде сыналып жатыр. Айта кетейік, биыл қыркүйектен бері 1,6 миллионнан астам бала тегін ыстық тамақпен қамтылды, оның ішінде 1,4 миллион бала 1-4 сынып оқушылары және 200 мыңнан астамы әлеуметтік осал топ санатындағы 5-11 сынып оқушылары.
Аида Ахметбек
