Жамбыл облысында химиялық қауіпті аумақтан жер бермек болған

Жамбылдағы Жаңатас қаласының шенділері тұрғындарға химиялық қауіпті аумақтан жер телімдерін бермек болған. Аудандық әкімдік зиянды зауыттың қасынан жер үлестіруді 5 жыл бұрын бас жоспарға бекітіпті. Ондағы 61 учаскі өндіріс орнына небәрі 300 метрге жақын жатыр. Сарысу прокуратурасы санитарлық-қорғау аймағындағы телімдерді тұрғындарға таратудың жолын кесті. Заңсыздық Жаңатас қаласының даму картасын қайта қарау кезінде анықталған. 2018 жылы жасалған жаңа ауданның жоспарында бірде-бір өкілетті орынның рұқсаты жоқ. Сан-эпид бөлімі мен экология департаменті де бейхабар болып шығады. Ал рұқсат берген аудандық сәулет-құрылыс бөлімінің басшысы бүгінде қызметте емес. Ал шағын шаһарда 1240 адам жер кезегінде тұр.

Данияр Әлімқұл