Шымкентте жол төсеудің жаңа әдісі сынақтан өтуде

Шымкентте жол төсеудің тың технологиясы енгізілді. Құрылысшылар жаңа әдіс бойынша топырақ бетіне тас жаймастан арнайы эмулсиялық қоспа төсеп жатыр.

Оның құрамында цемент бар. Басты қасиеті топырақ қабатына ылғал өткізбейді. Жер қыртысын нығыздап алған соң бірден осы материалды жайып кете беруге болады дейді мамандар. Осындай әдіспен әзірге шаһардың екі көшесінің 400 метр жеріне жол салынды. Оған қазына қаржысы жұмсалған жоқ. Мердігер компания тәжірибе ретінде өз ақшасына сынақ өткізді.

Өмір Қалдыбаев, қалалық жолаушылар көлігі және автомобиль жолдары басқармасы басшысының орынбасары:

Эксперимент ретінде басталды. Микросульфат септік. Енді бір қысты өткізген соң жағдайы белгілі болады. Болашақта өзін жақсы көрсетеді деген сенімдеміз. Көрсетіп жатса ол технологияны пайдаланамыз. Себебі экономикалық жағынан тиімді.

Ғани Қалмаханов