Орман өртіне қатысты іс сотқа жолданды

«Семей орманы» резерватында болған өрт оқиғасына қатысты іс сотқа жолданды. Іс Абай облысының Бородулиха аудандық сотында қаралады. «Семей орманы» табиғи орман резерватында қызмет істеген лауазымды тұлғалар Қылмыстық кодекстің 292 бабының 3 ші тармағы, яғни «Өрт қауіпсіздігін бұзу, бірнеше адамның опат болуына байланысты айыпталып отыр.

Аталған бапқа сәйкес, 5 жылдан 10 жылға дейін бас бостандығынан айыру жазасы қарастырылған. Күдіктілер қазір үй қамақта. Естеріңізге сала кетейік, 8 маусым күні «Семей орманы» табиғи орман резерватында өрт тұтанып 60 мың гектар қарағайлы алқап жанып кетті. Қызыл жалынды сөндіру кезінде 14 орманшы қаза тапты.

Ержан Жақып