Павлодар қаласы әкімінің бұрынғы орынбасары 3,5 жылға сотталды

Павлодар қаласы әкімінің бұрынғы орынбасары Арслан Қалияқбаров 3,5 жылға сотталды. Парамен ұсталған экс-шенеунікке бүгін осындай үкім шықты. Ал мемлекеттік айыптаушы 9 жыл сұраған болатын. Күдікті маусым айында жол салып жатқан мердігерден 1 млн 800 мың теңге ақша алған.

Атырау қаласының бұрынғы әкімі қамауға алынды

Сондай ақ, Атырау қаласының экс-әкімі Қайрат Оразбаев қамауға алынды. Ол жер телімдерін заңсыз сатқан деген күдікке ілінген. Қазір уақытша ұстау изолятрында. 2020-2022 жылдар арасында қала әкімі болған Оразбаев қаңтар оқиғасынан кейін қызметінен кетті. Бұған дейін әкімдіктің үш қызметкері жерді заңсыз сатқаны үшін қамауға алынған еді. Оларға қатысты қылмыстық іс қозғалды.

Тәуірбек Бозекен