Жаңалықтарды Telegram арнамыздан оқыңыз!Ақтауда спортшы Валерия Шальнованың өлімін тергеген полиция қызметкерлері жұмыстан шеттетілді.
Олар қызметтік өкілеттіктерін асыра пайдаланды деген күдікке ілінді. Облыстық прокуратураның мәліметінше, сотқа дейінгі тергеу 3 қазанда басталған. Алайда тергеудің объективтілігін және жан-жақтылығын қамтамасыз ету мақсатында, іс сыбайлас жемқорлыққа қарсы қызметке тапсырылған. Полицейлерге қатысты да түпкілікті шешімді солар қабылдайды. Айта кетейін, қайғылы оқиға осыдан 3 ай бұрын болды. 21 жастағы спортшының жансыз денесі қаланың шетіндегі су арнасынан табылды. Көп ұзамай күдікті қамауға алынды. Ал полицейлер аса ауыр қылмысты уақтылы ашуға кедергі жасаған. Оларға қатысты қылмысты жасыру фактілері анықталды.
Аягөз Оралбайқызы
