Ақтөбе облысында қаржы пирамидасын құрғандар сотталды

Ақтөбеде қаржы пирамидасын құрып, 4 жарым мыңнан аса адамды сан соқтырған екі адам соталды. Мейірхан Сақтағанов пен Айдос Кәлімбетов қылмыстық кодекстің төрт бірдей бабы бойынша айтыпталды.

Олар «Выгодный займ», «Гарант 24 ломбард», «Эстейт Ломбард» деп аталған қаржы ұйымдарын құрушылар қатарында болған. Тұрғындардың сеніміне кіру арқылы, Ақтөбе облысында 3 357, Қызылордадан 1 259 адамның қалтасын қаққан. Тұрғындар 25 мың теңгеден бастап 62 миллион теңгеге дейін қаржы салған. Жалпы шығын 4 миллиард теңге. Сот алданған тұрғындарға қаржыны толықтай өтеуді үкім етті. Ал, айыпталушы Сақтағанов 11, Кәлімбетов 9 жылға бас бостандығынан айрылды.

Жақсыбек Кемал