Солтүстік Қазақстанда вакцина сатып алуға 93 млн теңге бөлінді

Солтүстік Қазақстан облысында тұрғындарға қызылшаға қарсы екпе сатып алуға 93 млн теңге қосымша қаражат бөлінді. Әзірге облыстың емдеу мекемелерінде 9 мың доза вакцина бар. Бірінші кезекте 6-11 айлық балалар қамтылады. Арнайы курстан өткен мамандардан 91 бригада жасақталды. Екпе салу науқанына мыңнан астам медицина қызметкері жұмылдырылды.

Нұржан Тағаниязов, Облыстық денсаулық сақтау басқармасы басшысының орынбасары:

Үнемделген ақшаға 93 млн-ға тағы да сатылып алынып жатыр, ол желтоқсан айында келеді. Балалар содан кейін медициналық ұйымның қызметкерлері, біздің облыс бойынша 3800-ге жуық медицина қызметкері бар. Жоспар бойынша солар тағы да вакцина алуы керек.

Эльмира Кәленова