Испанияда сепаратистерге рақымшылық жариялауға қарсы шеру өтті

Мадридте 2017 жылы Каталонияның Испаниядан бөлінуі туралы референдум өткізген сепаратистерге амнистия жариялауға қарсы шеру өтті. Шараға жүздеген адам қатысқан. Демонстранттар полициямен қақтығысты. 4 мыңдай адамға рақымшылық жариялау бастамасын үкімет басшысы лауазымын атқарушы Педро Санчес ұсынды. Ал наразы топтың мәлімдеуінше, билік бұл арқылы кабинет жасақтауда каталониялық партиялардың қолдауына ие болуды көздейді. Елде жазда өткен парламенттік сайлауда бірде бір партия көпшілік дауысқа ие болған жоқ. Сол себепті Педро Санчес үкіметі үш айдан астам уақыт өтсе де кабинет жасақтай алмай отыр.

Арай Төлегенқызы